പ്രോട്ടീന്‍ ലഭിക്കാന്‍ വേണ്ടി പ്രോട്ടീന്‍ പൗഡറുകള്‍ വാങ്ങിക്കഴിക്കുന്ന പല ചെറുപ്പക്കാരും നമ്മുടെയിടയിലുണ്ട്. എന്നാല്‍ ഏറ്റവും എളുപ്പത്തിലും ഗുണത്തിലും പ്രോട്ടീന്‍ ലഭിക്കുന്നതിനുള്ള മാര്‍ഗ്ഗമാണ് പയറുവര്‍ഗ്ഗങ്ങള്‍ എന്ന് പലര്‍ക്കും അറിഞ്ഞുകൂടാ. പല വീട്ടമ്മമാരും പാലിനും ഇറച്ചിക്കും മത്സ്യത്തിനും നല്കുന്ന സ്ഥാനം പയറുവര്‍ഗ്ഗങ്ങള്‍ക്ക് നല്കാറില്ല. പയറുവര്‍ഗ്ഗങ്ങളില്‍ അടങ്ങിയിരിക്കുന്ന വിശേഷപ്പെട്ട ഘടകങ്ങളെക്കുറിച്ചുള്ള വേണ്ടത്ര അറിവില്ലായ്മയാണ് ഇതിന് കാരണം.
പാലിലും മുട്ടയിലും അടങ്ങിയിട്ടുള്ളതിലേറെ പ്രോട്ടീനുകള്‍ പയറുവര്‍ഗ്ഗങ്ങളില്‍ അടങ്ങിയിട്ടുണ്ട്.പ്രോട്ടീനുകള്‍ക്കു പുറമെ അമിനോ ആസിഡുകളും പയറിലുണ്ട്. അരി, ഗോതമ്പ്, പയര്‍ ഇവ മൂന്നും ചേരുമ്പോള്‍ പ്രോട്ടീന്‍ നല്ല അളവില്‍ ലഭിക്കും.
നാരുകളും പയറുവര്‍ഗ്ഗങ്ങളില്‍ അടങ്ങിയിട്ടുണ്ട്. പ്രമേഹം, കൊളസ്‌ട്രോള്‍, അമിതവണ്ണം, കാന്‍സര്‍ എന്നിവ പ്രതിരോധിക്കുന്നതിനും പയറിന് കഴിവുണ്ട്.
വിറ്റമിന്‍ ബിയാണ് പയറുവര്‍ഗ്ഗങ്ങളിലെ മറ്റൊരു ഘടകം. മുളപ്പിച്ച പയറില്‍ വിറ്റമിന്‍ സിയുമുണ്ട്. എനര്‍ജിയും പ്രോട്ടീനും വിറ്റമിനുകളും നല്കാന്‍ കഴിവുള്ള പയറിന് ഇനിയെങ്കിലും അര്‍ഹിക്കുന്ന സ്ഥാനം ഭക്ഷണമേശയില്‍ കൊടുക്കാന്‍ മറക്കരുതേ. .
ഭക്ഷണമേശയില്‍ നിങ്ങള്‍ എത്രത്തോളം പയറുവര്‍ഗ്ഗങ്ങള്‍ക്ക് പ്രാധാന്യം നല്കുന്നുണ്ട്?
