പാചകം എളുപ്പമാക്കാനും, സ്വാദുള്ള ആഹാരം വിളമ്പാനും ആഗ്രഹിക്കുന്ന വീട്ടമ്മമാര്‍ ഇവ ശ്രദ്ധിക്കൂ:-
- ഇറച്ചി വറുക്കുമ്പോഴും, കറി വെയ്ക്കുമ്പോഴും ഒന്നോ രണ്ടോ തക്കാളി കൂടി ചേര്‍ത്താല്‍ ഇറച്ചി മൃദുവാകും. നന്നായി വേവുകയും ചെയ്യും.
- ഗ്രാമ്പൂവിന്റെ ഇല ചേര്‍ത്ത് ഇറച്ചി പാകം ചെയ്‌താല്‍ കറിയ്ക്ക് സ്വാദ് കൂടും. നല്ല വാസനയും കിട്ടും.
- കട്ട്ലറ്റ് വറുക്കുമ്പോള്‍ പൊടിഞ്ഞു പോകാതെയിരിക്കാന്‍ അതില്‍ അല്പം ഉഴുന്നുമാവ്‌ കൂടി ചേര്‍ത്താല്‍ മതി.
- പാല്‍ കാച്ചിയ ഉടന്‍ കാറ്റ് തട്ടാതെ അടച്ചുവെച്ചാല്‍ പാടയുണ്ടാകില്ല.
- പാല്‍ കാച്ചുമ്പോള്‍ പാത്രത്തിന്‍റെ വക്കില്‍ അല്പം ഗ്ലിസറിന്‍ പുരട്ടിയാല്‍ പാല്‍ തിളച്ചു തൂവില്ല.
- ഉരുളക്കിഴങ്ങ് പുഴുങ്ങുമ്പോള്‍ വെള്ളത്തില്‍ ഒരു നാരങ്ങയുടെ നീര് ചേര്‍ത്താല്‍ ഉരുളക്കിഴങ്ങ് നന്നായി വേവും. രുചിയും കൂടും.
- ദോശമാവ് പുളിക്കാതിരിക്കാന്‍ അതില്‍ രണ്ടു കീറ് വാഴയില ഇട്ടുവേച്ചാല്‍ മതി.
- പഞ്ചസാര പാവ് കാച്ചിയത് കട്ടിയാകാതിരിക്കാന്‍ പഞ്ചസാര ലായനി ചൂടാക്കുംമുമ്പ് രണ്ടു നുള്ള് സോഡിയം കാര്‍ബനെറ്റ് ചേര്‍ക്കുക.
- പഞ്ചസാര പാത്രത്തില്‍ഗ്രാമ്പൂ ഇട്ടുവേച്ചാല്‍ ഉറുമ്പ് അരിക്കില്ല.
- കറിയില്‍ മഞ്ഞള്‍ കൂടിയാല്‍ ഒരു ഇരുമ്പ് സ്പൂണ്‍ തീയില്‍ പഴുപ്പിച്ച് കറിയില്‍ മുക്കിയാല്‍ മതി.
- അരി അരയ്ക്കുമ്പോള്‍ അല്പം പാല്‍ കൂടി ചേര്‍ത്താല്‍ അപ്പത്തിനു നല്ല മാര്‍ദ്ദവം ലഭിക്കുന്നതാണ്.
- വെണ്ണ ഉരുക്കുമ്പോള്‍ അല്പം മുരിങ്ങയില ചേര്‍ത്താല്‍ നെയ്യിന് നല്ല ഗന്ധമുണ്ടാകും.
- പാവയ്ക്ക വേവിയ്ക്കുമ്പോള്‍ വെള്ളത്തില്‍ അല്പം തൈര് ചേര്‍ത്താല്‍ കയ്പ് ഉണ്ടാകില്ല. കാരറ്റിന്റെ ജലാംശം നഷ്ടപ്പെടാതിരിക്കാന്‍ മുകള്‍വശം മുറിച്ചുമാറ്റിയ ശേഷം ഫ്രിഡ്ജില്‍ വെയ്ക്കുക.
- ഗ്രീന്‍പീസ് വേവിയ്ക്കുമ്പോള്‍ അല്പം പഞ്ചസാര ചേര്‍ത്താല്‍ സ്വാദ് കൂടും.
- ഗ്രീന്‍പീസ് പാകം ചെയ്യുമ്പോള്‍ അല്പം വിനാഗിരി ചേര്‍ത്താല്‍ അതിന്റെ നിറം നഷ്ടമാകില്ല.
- ഒരു കഷ്ണം ഇന്തുപ്പിട്ടാല്‍ വെളിച്ചെണ്ണ കനയ്ക്കില്ല.
