ആരുടേയും നക്ഷത്രങ്ങള്‍ എന്നും ഉയര്‍ന്നു നില്‍ക്കില്ല. ചെറിയ തിരിച്ചടികളെ മന:കരുത്തോടെ നേരിട്ട്, തെറ്റ് തിരുത്തി മുന്നേറുന്ന ദൃഡനിശ്ചയമാണ് വിജയപാത. തട്ടിവീഴ്ത്താന്‍ വരുന്ന പാറകളെ നമുക്ക് ചവിട്ടുപടികളാക്കാം.
- സഹകരിച്ചു പ്രവര്‍ത്തിക്കുക. എത്ര സമര്‍ത്ഥനായാലും സ്ഥാപനങ്ങളില്‍ ഒറ്റയ്ക്ക് മഹാവിജയങ്ങള്‍ നേടാനാവില്ല. ടീമിന്‍റെ താളത്തിനൊത്ത് നീങ്ങണം. വള്ളംകളിയില്‍ താളത്തിനൊത്ത് ഒരേ സമയത്ത് എല്ലാവരും തുഴഞ്ഞാലെ വിജയിക്കൂ.
- ഏതു ജോലിയിലും 100 ശതമാനം കഴിവും പ്രയോഗിക്കുക.
- ഏത് കൃത്യവും ഉത്സാഹത്തോടെ ചെയ്യുക. താല്‍പര്യമുള്ളതില്‍മാത്രം ഉത്സാഹം എന്ന രീതി വേണ്ട.
- ജോലി ആഹ്ലാദമെന്നു കരുതുക.
- കഠിനാധ്വാനമാണെന്ന് പറയുന്നത് മിക്കപ്പോഴും കഠിനമല്ല. ചിട്ടയൊപ്പിച്ചു സമര്‍പ്പണബുദ്ധിയോടെയുള്ള കൃത്യനിര്‍വ്വഹണം മാത്രമാണത്.
- എപ്പോഴും പ്രസന്നത പുലര്‍ത്തുക. ദുര്‍മുഖം ആരും ഇഷ്ടപ്പെടുന്നില്ല. കോപം നിയന്ത്രിക്കുക.
- തീരുമാനങ്ങള്‍ ശരിയായാല്‍മാത്രം പോരാ, അവ വേഗം കൈകൊള്ളുകയും വേണം.
- കേട്ടതെല്ലാം വെട്ടിവിഴുങ്ങാതെ, മനസ്സിനുള്ളില്‍ വിശകലനം ചെയ്തു നോക്കിയിട്ട് വിശ്വസിക്കുക.
- പിരിമുറുക്കത്തിലിരുന്നും യുക്തിപൂര്‍വ്വം പ്രവര്‍ത്തിക്കാന്‍ ശീലിക്കുക.
- നിര്‍ദ്ദിഷ്ട സമയത്ത് ജോലി തീര്‍ക്കണമെന്ന് വരുമ്പോള്‍ പരിഭ്രാമിക്കരുത്. പല സന്ദര്‍ഭങ്ങളിലും ഡെഡ് ലൈനുകളുണ്ടാവും.
- പുതിയ കാര്യങ്ങള്‍ സന്തോഷത്തോടെ പഠിക്കുക.
- കീഴ്ജീവനക്കാരെ ജോലിയില്‍ പരിശീലിപ്പിക്കുക.
- സ്വപ്‌നങ്ങള്‍ മുന്നില്‍വെച്ച് അവ നേടാന്‍ നിരന്തരം ശ്രമിക്കുക.
- മികവിന്റെ കാര്യത്തില്‍ വിട്ടുവീഴ്ച കാട്ടാതിരിക്കുക.
- അന്യരുടെ വികാരങ്ങള്‍ അറിഞ്ഞു പെരുമാറുക.
- പരാജയ സാധ്യതകള്‍ മുന്‍കൂട്ടി കണ്ട് കാലേകൂട്ടി പ്രതിരോധനടപടി കൈകൊള്ളുക.
