വേനല്ക്കാലങ്ങളില് സുലഭമായി കണ്ടുവരുന്ന ഒരു പഴമാണ് ഓറഞ്ച്. ഓറഞ്ച് ജ്യൂസ് കുടിക്കുന്നത് ഡിമന്ഷ്യയുടെ സാധ്യതകളെ ഇല്ലാതാക്കുന്നുവെന്നാണ് പുതിയ പഠനം പറയുന്നത്. 28,000 പുരുഷന്മാരില് രണ്ടു ദശാബ്ദക്കാലത്തോളം നടത്തിയ പഠനങ്ങള്ക്കൊടുവിലാണ് ഈ റിപ്പോര്ട്ട് പ്രസിദ്ധീകരിച്ചിരിക്കുന്നത്. പച്ചക്കറികളും പഴവര്ഗ്ഗങ്ങളും തലച്ചോറിന്റെ ശക്തിയെ എങ്ങനെ ബാധിക്കുന്നു എന്നതിനെക്കുറിച്ചായിരുന്നു പഠനം. ഇതില് ഓറഞ്ച് ജ്യൂസ് കുടിച്ച പുരുഷന്മാര്ക്ക് ഓര്മ്മക്കുറവുമായി ബന്ധപ്പെട്ട പ്രശ്നങ്ങള് വളരെ കുറഞ്ഞ അളവിലേ ഉണ്ടായിരുന്നുള്ളൂ എന്നാണ് പഠനം വ്യക്തമാക്കിയത്. സ്മൃതിനാശം സംഭവിക്കുകയോ ജീവന് തന്നെ അപകടം വരുത്തിവയ്ക്കുകയോ ചെയ്യാവുന്ന തലച്ചോര് സംബന്ധമായ പലതരം അസുഖങ്ങളെയും കുറയ്ക്കുന്നതിന് ഓറഞ്ച് ജ്യൂസിന് കഴിവുണ്ടെന്ന് പഠനം അവകാശപ്പെടുന്നു. പ്രായമേറും തോറും സംഭവിക്കാവുന്ന സ്മൃതിനാശത്തിന് പരിഹാരമായി നല്ല ആഹാരശീലങ്ങള് നടപ്പില് വരുത്തേണ്ടതിന്റെ ആവശ്യകതയും പഠനം ഓര്മ്മിപ്പിക്കുന്നു. പഠനത്തിന് നേതൃത്വംനല്കി റിപ്പോര്ട്ട് തയ്യാറാക്കിയ ചാങ്ഹെങ് യൂവാന് പറയുന്നത് പച്ചക്കറികള്, പഴങ്ങള് പ്രത്യേകിച്ച് ഓറഞ്ച് എന്നിവ ഭക്ഷണത്തില് ഉള്പ്പെടുത്തുന്നത് വളരെ അത്യാവശ്യമാണെന്നാണ്.
