നിർധന കുടുംബങ്ങളിലെസമർഥരായ വിദ്യാർഥികളുടെ ഉപരിപഠനത്തിന് ലൈഫ് ഇൻഷുറൻസ് കോർപറേഷൻ നൽകുന്നതാണ് സുവർണജൂബിലി സ്കോളർഷിപ്പ് . ഈ സ്കോളർഷിപ്പിന് ഓൺലൈനായി ഡിസംബർ 31 വരെ അപേക്ഷിക്കാം. ഇന്ത്യയിലെ സർക്കാർ/സ്വകാര്യ കോളജ്, സർവകലാശാല, സാങ്കേതിക വൊക്കേഷനൽ കോഴ്സുകൾ, എൻസിവിടി ഐടിഐ കോഴ്സുകൾ എന്നിവ പദ്ധതിയിൽപെടും.
ഉന്നത പഠനത്തിനുള്ള സ്കോളർഷിപ്പ്
60% എങ്കിലും മാർക്കോടെ ഈ വർഷം 12–ാം ക്ലാസ് ജയിച്ചവർക്കാണു യോഗ്യത. രക്ഷിതാക്കളുടെ വാർഷികവരുമാനം 2 ലക്ഷം രൂപയിൽ കവിയരുത്. മെ‍‍ഡിക്കൽ, എൻജിനീയറിങ് അഥവാ ഏതെങ്കിലും വിഷയത്തിലെ ബാച്‌ലർ ബിരുദം / ഇന്റഗ്രേറ്റഡ് ബിരുദം / ഡിപ്ലോമ / സർട്ടിഫിക്കറ്റ് നേടാനുള്ള പഠനം തുടങ്ങിയ ഏതു വിഭാഗക്കാർക്കും അപേക്ഷിക്കാം.പ്ലസ് ടു സ്കോളർഷിപ്പ്60% എങ്കിലും മാർക്കോടെ ഈ വർഷം 10–ാം ക്ലാസ് ജയിച്ച പെൺകുട്ടികൾക്കു മാത്രം, പ്ലസ്ടു (11, 12 ക്ലാസ്) പഠിക്കുന്നതിന്. രക്ഷിതാക്കളുടെ വാർഷികവരുമാനം 2 ലക്ഷം രൂപ കവിയരുത്.
മറ്റു പ്രത്യേകതകൾപിജി
പഠനത്തിന് സാമ്പത്തിക സഹായം എൽ.ഐ.സി. നൽകുന്നില്ല. മറ്റു കോഴ്സുകൾക്ക്, കോഴ്സ് പൂർത്തിയാക്കുംവരെ സഹായം കിട്ടും. പ്രതിവർഷം 20,000 രൂപ 3 ഗഡുക്കളായി ബാങ്ക് അക്കൗണ്ടിൽ നൽകും. പ്ലസ്ടു പെൺകുട്ടികൾക്ക് 10,000 രൂപ ആനുകൂല്യമുണ്ട്. അപേക്ഷകർ കൂടുതലുണ്ടെങ്കിൽ വരുമാനം കുറഞ്ഞവർക്കായിരിക്കും മുൻഗണന.
തുടർ സ്കോളർഷിപ്പ്
പ്രഫഷനൽ കോഴ്സുകളിൽ മുൻവർഷത്തെ പരീക്ഷയ്ക്ക് 55% എങ്കിലും മാർക്കുണ്ടെങ്കിലേ സ്കോളർഷിപ് തുടർന്നു നൽകൂ. ആർട്സ്, സയൻസ്, കൊമേഴ്സ് കോഴ്സുകളിൽ 50% ആയാലും മതി. ഒരു കുടുംബത്തിൽ നിന്ന് ഒരു കുട്ടിക്കേ സ്കോളർഷിപ്പ് ലഭിക്കുകയുള്ളൂ.
ഓൺലൈൻ അപേക്ഷ നൽകേണ്ട വിലാസം www.licindia.in
അസി. പ്രഫസർ,
സെന്റ്.തോമാസ് കോളേജ്,
തൃശ്ശൂർ
