പയര് വര്ഗ്ഗങ്ങളില് പ്രധാനിയാണ് വന്പയര്. കൊഴുപ്പും കാലറിയും വളരെ കുറവ്. അതുകൊണ്ടാണ് തൂക്കം കുറയ്ക്കാന് ആഗ്രഹിക്കുന്നവര്ക്ക് വന്പയര് ഉത്തമമാകുന്നത്. വെറും ആരോഗ്യകാര്യങ്ങളില് മാത്രമല്ല സൗന്ദര്യ വര്ദ്ധനവിനും വന് പയര് ഉപകാരിയാണ്. പ്രത്യേകിച്ച് ചര്മ്മത്തിലെ ചുളിവുകള്, മുഖക്കുരു എന്നിവ അകറ്റാനും തലമുടി, നഖങ്ങള് തുടങ്ങിയവയുടെ ആരോഗ്യം മെച്ചപ്പെടുത്താനും വന്പയറിന് കഴിവുണ്ട്. വന്പയറില് ഗ്ലൈസൈമിക് ഇന്ഡക്സ് കുറവായതുകൊണ്ട് പ്രമേഹ രോഗികള്്ക്കും കഴിക്കാം.
അതുപോലെ പൊട്ടാസ്യം, മഗ്നീഷ്യം, പ്രോട്ടീന് എന്നീ ഘടകങ്ങള് ഉള്ള വന്പയറിന് രക്തസമ്മര്ദ്ദം കുറയ്ക്കാനും കഴിവുണ്ട്. വന്പയറില് ധാരാളം അടങ്ങിയിരിക്കുന്ന ജീവകം ബി1 ബുദ്ധി വര്ദ്ധനവിനും ഏറെ സഹായകരമാണ്. 100 ഗ്രാം വന്പയറില് 24 ഗ്രാം പ്രോട്ടീനുണ്ടത്രെ. ഫോളിക് ആസിഡ്, കാല്സ്യം, അന്നജം, നാരുകള് എന്നിവയും വന്പയറിലുണ്ട്. കൂടാതെ ആന്റി ഓക്സിഡേറ്റീവ് ഗുണങ്ങളും. നിസ്സാരമെന്ന് ഒറ്റനോട്ടത്തില് തോന്നുന്ന വന്പയറില് ഇത്രയുമൊക്കെ ഗുണങ്ങള് ഉണ്ടെന്ന് അറിയുമ്പോള് അത്ഭുതം തോന്നുന്നുണ്ടല്ലേ. ഇനി മടിക്കണ്ടാ ആഹാരത്തില് വന്പയറിനും അപ്രധാനമല്ലാത്ത ഒരു സ്ഥാനം കൊടുത്തോളൂ.
