രാത്രി വളരെ വൈകി ഉറങ്ങാന്‍ പോകുന്നത് ഇന്ന് സാധാരണസംഭവമായി മാറിക്കഴിഞ്ഞിരിക്കുന്നു. ജീവിതശൈലിയില്‍ വന്ന മാറ്റങ്ങളും ജോലിയുടെ സ്വഭാവവും അതിന് കാരണമായിട്ടുണ്ട്. രാത്രി വളരെ വൈകി ഉറങ്ങാന്‍ പോകുന്നവരെല്ലാം ആരോഗ്യകാര്യങ്ങളില്‍ കൂടുതല്‍ ശ്രദ്ധിക്കണമെന്നാണ് പുതിയ പഠനം പറയുന്നത്. ഹൃദ്രോഗവും ടൈപ്പ് 2 പ്രമേഹ സാധ്യതയും ഇത്തരക്കാര്‍ക്ക് മറ്റുള്ളവരെക്കാള്‍ കൂടുതലാണെന്നാണ് പുതിയ പഠനം പറയുന്നതത്. നേരത്തെ ഉറക്കമുണര്‍ന്നെണീല്ക്കുന്നവരുടെയും വൈകി മാത്രം ഉറങ്ങാന്‍ കിടക്കുന്നവരുടെയും ആരോഗ്യസംബന്ധമായ കാര്യങ്ങളില്‍ ഏറെ വ്യത്യാസം കാണാന്‍ കഴിയുന്നുവെന്നാണ് വിദഗ്ദരുടെ കണ്ടെത്തല്‍. വൈകി ഉറങ്ങാന്‍ കിടന്ന് വൈകി എണീല്ക്കുന്നവര്‍ക്ക് പലപ്പോഴും പ്രഭാതഭക്ഷണം നഷ്ടമാകുന്നു. അല്ലെങ്കില്‍ നേരം തെറ്റിയാണ് അവര്‍ ഭക്ഷണം കഴിക്കുന്നത്. ധാന്യങ്ങളുടെയോ പച്ചക്കറികളുടെയോ അംശവും അവരുടെ ഭക്ഷണത്തില്‍ കുറവായിരിക്കും. ഇത്തരക്കാരുടെ ആഹാരക്രമത്തില്‍ കൂടുതലായും പഞ്ചസാരയുടെ മറ്റും അംശം കൂടുതലായിരിക്കും. വൈകി ഭക്ഷണം കഴിക്കുന്നത് ടൈപ്പ് 2 പ്രമേഹത്തിന്റെ സാധ്യത വര്‍ദ്ധിപ്പിക്കുന്നു. അതുപോലെ രാത്രി വൈകി ഉറങ്ങാന്‍ പോകുന്നവര്‍ വളരെ കുറച്ച് ഭക്ഷണം വളരെ തിടുക്കത്തില്‍ കഴിക്കുന്നവരുമായിരിക്കും. തന്മൂലം അവരുടെ ഗ്ലൂക്കോസ് ലെവല്‍ വര്‍ദ്ധിക്കുന്നു. ഇത് പ്രമേഹസാധ്യത സൃഷ്ടിക്കുന്നു.
