യുദ്ധം

പഠിക്കാത്തൊരു പാഠമാണ്, 
ചരിത്ര പുസ്തകത്തിലെ. 
ആവർത്തിക്കുന്നൊരു തെറ്റാണ്, 
പശ്ചാത്താപമില്ലാതെ. 
അധികാരികൾക്കിത് ആനന്ദമാണ്, 
സാധാരണക്കാരന് വേദന. 
സ്ത്രീകൾക്ക് പലായനമാണ്, 
കുഞ്ഞുങ്ങൾക്ക് ഒളിച്ചു കളി. 
സൈനികർക്ക് ബാധ്യതയാണ്, 
വിദേശികൾക്ക് ചർച്ച.
മാധ്യമങ്ങൾക്ക് ആഘോഷമാണ്, 
ആയുധ വ്യാപാരികൾക്ക് അവസരം. 
മനുഷ്യത്വമുള്ളവർക്ക് ആശങ്കയാണ്, 
പക്ഷം പിടിക്കുന്നവർക്ക് ആവേശം.
ഭൂമിക്ക് ഒടുങ്ങാത്ത ശാപമാണിത്, 
മാനവരാശിയുടെ സമ്പൂർണ്ണ പരാജയവും.

വിജയ് പി. ജോയി