ഒഡീഷയിൽ നിന്ന് ആദ്യ ആദിവാസി വനിതാ പൈലറ്റ്

മാവോയിസത്തിന്റെ പേരിൽ മാധ്യമങ്ങളിൽ നിറഞ്ഞുനിന്ന ഒഡീഷ ഇപ്പോൾ മാധ്യമ ശ്രദ്ധ നേടിയിരിക്കുന്നത് ആദ്യത്തെ ആദിവാസി കൊമേഴ്സ്യൽ പൈലറ്റിന്റെ പേരിലാണ്. അനുപ്രിയ മധുമിത ലക്രയാണ് ഇപ്രകാരം മാധ്യമശ്രദ്ധ നേടിയിരിക്കുന്നത്. ഇൻഡിഗോ എയർലൈൻസിൽ കോ പൈലറ്റായിട്ടാണ് അനുപ്രിയ ജോയിൻ ചെയ്തിരിക്കുന്നത്. സ്വന്തം സ്വപ്നങ്ങൾക്ക് പിന്നാലെ ധൈര്യവും ആത്മവിശ്വാസവും സന്നദ്ധതയും കൈമുതലാക്കി യാത്ര ചെയ്താൽ ഒന്നും അസാധ്യമാവില്ലെന്നാണ് ഇൗ ജീവിതകഥ നമ്മോട് പറയുന്നത്.