ഒരു കുഞ്ഞിനെ കാണുമ്പോൾ അവന്റെ/ അവളുടെ കണ്ണിലേക്ക് നോക്കുമ്പോൾ നമുക്ക് ഉണ്ടാകുന്നത് കേവലം സന്തോഷമല്ല വെറും വികാരമല്ല എന്നാണ് പുതിയ പഠനങ്ങൾ പറയുന്നത്. അതനുസരിച്ച് ഒരു കുഞ്ഞും ഒരു മുതിർന്നയാളും പരസ്പരം കണ്ണുകളിലേക്ക് നോക്കുമ്പോൾ ഇരുവരുടെയും മസ്തിഷ്കതരംഗങ്ങൾ ഒത്തുചേരുന്നുവെന്നാണ്. അതായത് അവർ തമ്മിൽ അദൃശ്യമായ ബന്ധം മസ്തിഷ്കതലത്തിൽ രൂപപ്പെടുന്നു. ലണ്ടനിലെ കേംബ്രിഡ്ജ് സർവകലാശാലയിലെയും മറ്റു ഗവേഷണകേന്ദ്രങ്ങളിലെയും ശാസ്ത്രജ്ഞർ നടത്തിയ പഠനത്തിലാണ് ഇക്കാര്യം രേഖപ്പെടുത്തിയിരിക്കുന്നത്.
കുഞ്ഞും മാതാപിതാക്കളും തമ്മിലുള്ള “eye contact’ മസ്തിഷ്കത്തിലെ പ്രവർത്തനങ്ങളെയും ബോധതലത്തെയും എങ്ങനെ സ്വാധീനിക്കുന്നു എന്നായിരുന്നു അവരുടെ പഠനം. അവർ EEG (Elet-croencephalogram) എന്ന ഉപകരണത്തിലൂടെ ഇരുവരുടെയും യൃമശി ംമ്ല െരേഖപ്പെടുത്തി. കുഞ്ഞും മാതാവും പിതാവും കണ്ണുകളിലൂടെ ബന്ധപ്പെടുമ്പോൾ അവരുടെ മസ്തിഷ്കതരംഗങ്ങൾ സമാനമായ റിഥത്തിൽ (rhythm) കമ്പനം ചെയ്യുന്നതായിട്ടാണ് കണ്ടെത്തിയത്.
ഈ brain wave alignment മനുഷ്യബന്ധങ്ങളുടെ ആഴം വ്യക്തമാക്കുന്നു. കുഞ്ഞ് മറ്റൊരാളുടെ കണ്ണിലോട്ടു നോക്കുമ്പോൾ, അത് വെറും കാഴ്ചയല്ല; അത് അവൻ ആശയവിനിമയം പഠിക്കുന്ന ആദ്യപടിയാണ്. കുഞ്ഞിന്റെ മസ്തിഷ്കം മറ്റൊരാളുടെ മുഖം, ശബ്ദം, വികാരം എന്നിവ തിരിച്ചറിയുകയും അതിനനുസരിച്ച് പ്രതികരിക്കുകയും ചെയ്യുന്നു. അതാണ് ഭാവിയിൽ ഭാഷയും സാമൂഹിക ബന്ധങ്ങളും വികസിപ്പിക്കാൻ സഹായിക്കുന്നത്.ഇതിലൂടെ കുഞ്ഞിന്റെയും മാതാപിതാക്കളുടെയും മാനസികബന്ധം ശക്തമാകുന്നതോടൊപ്പം, കുഞ്ഞിന്റെ ബുദ്ധിവികാസത്തെയും ഭാഷാവികാസത്തെയും സഹായിക്കുകയും ചെയ്യുന്നു.
കുഞ്ഞ് നോട്ടത്തിലൂടെ മാതാവിനെ ശ്രദ്ധിക്കുന്നു, അവന്റെ ശ്രദ്ധ, ഓർമ്മ, വികാരപ്രതികരണം എന്നിവയുടെ പ്രവർത്തനം മെച്ചപ്പെടുത്തുന്നു. അതേസമയം, മാതാവിന്റെ മസ്തിഷ്കവും കുഞ്ഞിന്റെ പ്രതികരണങ്ങളെ നേരിട്ട് അനുഭവിക്കുന്നു.അങ്ങനെ അവർ തമ്മിൽ ‘നാഡീബന്ധം’ (neural connection) രൂപപ്പെടുന്നു. അതുകൊണ്ടാണ് കുഞ്ഞുങ്ങളോട് സംസാരിക്കുമ്പോൾ, അവരെ നോക്കി സംസാരിക്കുന്നത് പ്രധാനപ്പെട്ടതാകുന്നത്. കുഞ്ഞിന്റെ കണ്ണുകളിലൂടെ ലഭിക്കുന്ന പ്രതികരണം, പുഞ്ചിരി, അമ്പരപ്പ്, ശ്രദ്ധ ഇവ എല്ലാം മാതാപിതാക്കളുടെ മസ്തിഷ്കത്തെയും ആഴത്തിൽ സ്പർശിക്കുന്നു. ആ ബന്ധമാണ് കുഞ്ഞിന്റെ മാനസികസുരക്ഷക്കും ആത്മവിശ്വാസത്തിനും അടിത്തറ പാകുന്നത്. ഈ പഠനം നമ്മെ ഓർമ്മപ്പെടുത്തുന്നസത്യം ഇതാണ്. ബന്ധങ്ങൾ വാക്കുകളിലല്ല, കണ്ണുകളിലാണ് തുടങ്ങുന്നത്.
