പുതുച്ചേരിയിലെ, ജവാഹർലാൽ ഇൻസ്റ്റിറ്റ്യൂട്ട് ഓഫ് പോസ്റ്റ് ഗ്രാജ്വേറ്റ് മെഡിക്കൽ എജ്യുക്കേഷൻ ആൻഡ് റിസർച്ച് (ജിപ്മർ), 2020-21ലെ വിവിധ ബിരുദ – ബിരുദാനന്തര ബിരുദ പ്രോഗ്രാമിലേക്കുള്ള പ്രവേശനത്തിന് ഇപ്പോൾ അപേക്ഷിക്കാവുന്നതാണ്.
I.ബിരുദ പ്രോഗ്രാമുകൾ
1.ബി.എസ്സി. നഴ്‌സിങ്2.ബി. എസ്സി. അലൈഡ് ഹെൽത്ത് സയൻസസ്-അനസ്‌തേഷ്യാ ടെക്‌നോളജി3.ബി. എസ്സി. അലൈഡ് ഹെൽത്ത് സയൻസസ്-കാർഡിയാക് ലബോറട്ടറി ടെക്‌നോളജി4.ബി. എസ്സി. അലൈഡ് ഹെൽത്ത് സയൻസസ്-ഡയാലിസിസ് ടെക്‌നോളജി5.ബി. എസ്സി. അലൈഡ് ഹെൽത്ത് സയൻസസ്-മെഡിക്കൽ ലബോറട്ടറി ടെക്‌നോളജി (എം.എൽ.ടി.), 6.ബി.എസ്.സി. മെഡിക്കൽ ടെക്‌നോളജി – ന്യൂറോ ടെക്‌നോളജി7. ബി എസ്.സി. ന്യൂക്ലിയാർ മെഡിസിൻ ടെക്‌നോളജി8. ബി.എസ്.പി.ഒപ്‌ടോമെട്രി9. ബി.എസ്.സി.പെർഫ്യൂഷൻ ടെക്‌നോളജി10. ബി.എസ്.സി. റേഡിയോ തെറാപ്പി ടെക്‌നോളജി11.ബി.എസ്.സി – എം. എൽ.ടി. ഇൻ ബ്ലഡ് ബാങ്കിങ്
ബിരുദ പ്രവേശന യോഗ്യത:
ഫിസിക്സ്, കെമിസ്ട്രി, ബയോളജി/ബോട്ടണി ആൻഡ് സുവോളജി, ഇംഗ്ലീഷ് എന്നീ വിഷയങ്ങൾ പഠിച്ച് ഓരോന്നും ജയിച്ച്, പ്ലസ്ടു തല പരീക്ഷ ജയിക്കണം. ഫിസിക്സ്, കെമിസ്ട്രി, ബയോളജി/ബോട്ടണി ആൻഡ് സുവോളജി എന്നിവയ്ക്ക് മൊത്തത്തിൽ 50 ശതമാനം (ജനറൽ ഭിന്നശേഷിക്കാർക്ക് 45 ശതമാനം, പട്ടിക, ഒ.ബി.സി വിഭാഗക്കാർക്ക് 40 ശതമാനം) മാർക്ക് വേണം.
പ്രവേശനപ്പരീക്ഷ
സെപ്റ്റംബർ 22-ന് നടത്തുന്ന ഓൺലൈൻ പരീക്ഷ അടിസ്ഥാനമാക്കിയാണ് തിരഞ്ഞെടുപ്പ്. പരീക്ഷയ്ക്ക് മൾട്ടിപ്പിൾ ചോയ്‌സ് രീതിയിലുള്ള, പ്ലസ്ടു നിലവാരമുള്ള 100 ചോദ്യങ്ങൾ, ഫിസിക്സ്, കെമിസ്ട്രി (20 വീതം), ബയോളജി (40), ഇംഗ്ലീഷ് ലാംഗ്വേജ് , ലോജിക്കൽ ആൻഡ് ക്വാണ്ടിറ്റേറ്റീവ് റീസണിങ് (10 വീതം) എന്നിവയിൽ നിന്നും ഉണ്ടാകും. ശരിയുത്തരത്തിന് ഒരു മാർക്ക്. നെഗറ്റീവ് മാർക്കിങ് ഇല്ല. യോഗ്യത നേടാൻ 50-ാം പെർസന്റൈൽ സ്‌കോർ (ജനറൽ ഭിന്നശേഷി – 45-ാം പെർസെന്റൈൽ, പട്ടിക/ഒ.ബി.സി. – 40-ാം പെർസന്റൈൽ) നേടണം. മോക്ക് ടെസ്റ്റ് വെബ്‌സൈറ്റിലുണ്ട്.
II.മാസ്റ്റേഴ്‌സ് പ്രോഗ്രാമുകൾ
1.എം.എസ്സി. നഴ്‌സിങ്2.മാസ്റ്റർ ഓഫ് പബ്ലിക് ഹെൽത്ത്3.എം.എസ്സി. അലൈഡ് ഹെൽത്ത് സയൻസസ് – മെഡിക്കൽ ബയോകെമിസ്ട്രി4.എം.എസ്സി. അലൈഡ് ഹെൽത്ത് സയൻസസ് -മെഡിക്കൽ ഫിസിയോളജി5.എം.എസ്സി. അലൈഡ് ഹെൽത്ത് സയൻസസ് – ബയോസ്റ്റാറ്റിസ്റ്റിക്‌സ്6.എം.എസ്സി. അലൈഡ് ഹെൽത്ത് സയൻസസ് – ന്യൂറോ ടെക്‌നോളജി7.എം.എസ്സി. അലൈഡ് ഹെൽത്ത് സയൻസസ് -എം.എൽ.ടി. മൈക്രോബയോളജി8.എം.എസ്സി. അലൈഡ് ഹെൽത്ത് സയൻസസ് – എം. എൽ.ടി. – പത്തോളജി
III. ഡിപ്ലോമ 1.പോസ്റ്റ് ബേസിക് ഡിപ്ലോമ ഇൻ നഴ്‌സിങ്2. പോസ്റ്റ് ഗ്രാജ്വേറ്റ് ഡിപ്ലോമ/ഫെലോഷിപ്പ്,
IV.പിഎച്ച്.ഡി
ഓൺലൈൻ ആയി അപേക്ഷകൾ, താഴെപ്പറയുന്ന വെബ് സൈറ്റുമുഖാന്തിരം,സെപ്തംബർ ഒന്നിന് വൈകിട്ട് അഞ്ച് വരെ നൽകാവുന്നതാണ്.
https://main.jipmer.edu.in
അസി. പ്രഫസർ,
ഫിസിക്സ് ഡിപ്പാർട്ടുമെൻ്റ്,
സെൻ്റ് തോമസ് കോളേജ്,
തൃശ്ശൂർ
